Նախիջևանի ուղղությամբ մեկ մետր անգամ հետ չենք եկել. Արտակ Դավթյանի պատասխանը Մովսես Հակոբյանին
ԳՇ նախկին պետ, ռազմարդյունաբերության կոմիտեի նախկին նախագահ Արտակ Դավթյանը «168 ժամ»-ի եթերում հայտնել է, որ պատերազմն իրենց համար կանխատեսելի էր:
«Ադրբեջանը մանավանդ վերջին մի քանի տարիներում նպատակաուղղված պատրաստվում էր մարտական գործողությունների վերսկսմանը և, բնական է, մեր Զինված ուժերը նույնպես պատրաստվում էին մարտական գործողությունների»,- ասել է Դավթյանը:
Անդրադառնալով ՊՆ ռազմական վերահսկողական ծառայության նախկին պետ Մովսես Հակոբյանի այն հայտարարությանը, թե դեռևս դեռևս 2018թ. ապրիլ-մայիս ամիսներին Նախիջևանի կողմում հայկական կողմը զիջել է բավական մեծ տարածություն, Դավթյանն ասել է. «Միայն ասելով չի, միանգամից էդ դեպքում ես էլ հարց տամ. էդ 6 կիլոմետրը ինքը ինչո՞ւ որոշում չկայացրեց, որ մենք գնանք առաջ:
Ես չգիտեմ՝ որտեղից է ինքն այդ թվերը վերցնում, որ ասում է: Իմ պաշտոնավարման ժամանակ մենք Նախիջևանի ուղղությամբ որևէ հենակետ, դիրք 1 մետր անգամ հետ չենք եկել»:
