Թուրքիայում այսօր գրանցվեց երկրորդ երկրաշարժը

Թուրքիայի ափերի մոտ այսօր տեղի ունեցավ թվով արդեն երկրորդ երկրաշարժը: Էպիկենտրոնը գտնվել է Էգեյան ծովում՝ Այդինի նահանգի Քուշադասի ավանից 20 կիլոմետր հեռավորության վրա:  Այս մասին հայտնում է Ռիա Նովոստի գործակալությունը։ 

Այդ երկրաշարժի հետևանքների մասին տեղեկություններ դեռ չկան: 

Հիշեցնենք, որ այսօր Էգեյան ծովում տեղի է ունեցել Ռիխտերի սանդղակով 6.6 ուժաստիճանի երկրաշարժ, փլուզվել են բազմաթիվ շենքեր, 6 մարդ զոհվել է, կան հարյուրավոր վիրավորներ: 

Հունաստանում այդ երկրաշարժի հետևանքով զոհվել է երկու երեխա: Ստորգետնյա ցնցումները զգացվել են Ստամբուլում և Աթենքում: