«Ժամանակի հարց է». Տիխանովսկայան՝ Լուկաշենկոյի՝ Բելառուսի նախագահի պաշտոնից հեռանալու մասին
Բելառուսի նախագահի նախկին թեկնածու Սվետլանա Տիխանովսկայան հոդված է հեղինակել ամերիկյան Washington Post-ի համար, որում նա հայտարարել է ընդդիմության՝ պետական ապարատի զանգվածային գործողությունները և բոյկոտները շարունակելու և գործարաններում գործադուլ անող բանվորներին աջակցելու ծրագրերի մասին: «Մեզ մնում է միայն միասնական լինել: Եվ մի՛ հարցրեք՝ կհաղթե՞նք արդյոք: Մենք արդեն հաղթել ենք», - գրել է Տիխանովսկայան ամերիկյան հրատարակության համար նախատեսված հոդվածում: Նա նշել է, որ Բելառուսն արդեն անցել է «հետադարձի սահմանը», և երկրի նախագահ Ալեքսանդր Լուկաշենկոն վաղ թե ուշ հեռանալու է իշխանությունից: «Մենք, որպես երկիր, անցել ենք այդ սահմանը: Լուկաշենկոն ապագա չունի՝ որպես այս երկրի ղեկավար, և միայն ժամանակ է պետք, որպեսզի նա հեռանա իշխանությունից», - ասել է Տիխանովսկայան: «Բայց հիմա մենք պետք է շարունակենք գործի դնել մեր ջանքերը: Եվ մենք արդեն փորձով գիտենք, թե կոնկրետ ինչ պետք է անել», - ասվում է նրա հոդվածում:
