Խոշոր ավտովթար Երևանում. բախվել են BMW-ն ու Nissan Pathfinder-ը. վերջինս կողաշրջվել է
Խոշոր ավտովթար է տեղի ունեցել Երևանում՝ Արցախի և Ռոստովյան փողոցների՝ ժողովրդին հայտնի Վստրեչի կամուրջի խաչմերուկում բախվել են BMW և Nissan Pathfinder մակնիշի ավտոմեքենաները: Դեպքի վայրից ֆոտոլրագրող Գագիկ Շամշյանը հայտնում է, բախման հետևանքով Nissan-ը կողաշրջվել է: Ըստ նախնական տեղեկությունների, վթարի հետևանքով բարեբախտաբար տուժածներ չկան:
Վթարի վայր են ժամանել ՃՈ աշխատակիցները: Օպերատիվորեն ժամանել են նաև ապահովագրական ընկերությունների ներկայացուցիչները: Ոստիկանությունը պարզում է վարորդների ինքնությունը:
