Եթե շուտ կարողանայինք գոլ խփել, խաղի ելքն այլ կլիներ. Խոակին Կապառոս
Հայաստանի հավաքականի գլխավոր մարզիչ Խոակին Կապառոսը Ազգերի լիգայի առաջին տուրի Հյուսիսային Մակեդոնիա-Հայաստան խաղից հետո լրագրողների հարցերին է պատասխանել: Խոսելով խաղի մասին ասել է, որ նախ շնորհավորել է ֆուտբոլիստներին նման խաղի համար: Հեշտ չէ խաղասկզբում գոլ բաց թողնել 11 մետրանոցից: Կար խախտում, թե ոչ՝ դա դիտողներն ավելի լավ կիմանան, սակայն իր թիմը չհուսահատվեց: Փաստորեն երկու ստանդարտից գոլ բաց թողեցին, բայց թիմը չհանձնվեց և մինչև վերջ պայքարեց, այնպես որ ինքը շնորհավորում եմ իր ֆուտբոլիստներին մեծ ջանքեր գործադրելու համար: Մարզիչն անդրադարձել է 11 մետրանոցների և ընդմիջմանը ֆուտբոլիստներին տված խորհուրդների մասին խոսել: 11 մետրանոցներին անդրադառնալով, ինքը խուսափում է ընդհանրապես գնահատական տալ մրցավարների աշխատանքին: Ընդմիջմանն ասել է, որ շարունակեն խաղալ ու ջանքեր գործադրեն: Գոլային պահեր ունեցել են, բայց չստացվեց: Եթե շուտ կարողանային գոլ խփել, խաղի ելքն այլ կլիներ: Ամեն դեպքում ևս մեկ անգամ շնորհակալություն է հայտնել ֆուտբոլիստներին: Ինչ վերաբերում է մրցաշարում թիմի շանսերին, ասել է, որ ամեն ինչ նոր է սկսվում և կարծում է թիմը կկարողանա հաջող հանդես գալ: Խոակին Կապառոսը նշում է, որ մեր խմբում հանդես եկող թիմերը հավասար հնարավորություններ ունեն: Իհարկե շատ կարևոր է մարզական բախտը, որը մեզ չժպտաց: Խաղի ելքը կարող էր լրիվ այլ լինել: Խմբի մասին կարող խոսելով, ասել է, որ ցանկացած թիմ կարող է հաղթել մյուսին:
