Ավտովթար՝ «Շիրակ» ֆուտբոլային ակումբի ֆուտբոլիստի Infiniti-ի և պայմանագրային զինծառայողի Mercedes-ի մասնակցությամբ
Այսօր առավոտյան, ավտովթար է տեղի ունեցել Արագածոտնի մարզում: Երևան-Գյումրի-Բավրա Մ-1 ավտոճանապարհի 62-րդ կմ հատվածում բախվել են Գյումրիի բնակիչ, 30-ամյա Աղվան Դավոյանի վարած Infiniti մակնիշի և Արագածոտնի մարզի Դավթաշեն գյուղի բնակիչ, 47-ամյա Մերուժան Վարդանյանի վարած Mercedes մակնիշի ավտոմեքենաները:
Բախման հետևանքով Infiniti-ի վարորդ Ա. Դավոյանը մարմնական վնասվածքով տեղափոխվել է «Թալին» բժշկական կենտրոն:
SHAMSHYAN.com-ի տեղեկացմամբ վիրավորներից Ա. Դավոյանը «Շիրակ» ֆուտբոլային ակումբի ֆուտբոլիստ է, իսկ Mercedes–ի վարորդը ծառայում է ՀՀ ՊՆ խաղաղապահ զորքերում՝ որպես պայմանագրային զինծառայող:
