Մահացել են մասնաճյուղի և զոդման աշխատանքներ կատարող ձեռնարկության տնօրենները. սեփականատերը մանրամասնում է
Արմավիր գյուղի «Պռոշյան կոնյակի գործարան»-ի մասնաճյուղում տեղի ունեցած հրդեհի հետեւանքով մահացել են մասնաճյուղի, զոդման աշխատանքներ կատարող ձեռնարկության տնօրենները։ Այս մասին այսօր՝ սեպտեմբերի 1-ին, լրագրողների հետ զրույցում ասաց գործարանի հիմնադիր-սեփականատեր Արմեն Գասպարյանը։
«Մասնաճյուղի տնօրենն է մահացել, և մասնաճյուղի զոդման աշխատանքներ կատարող ձեռնարկության տնօրենը։ Վիրավորները տեղափոխվել են Երևան, ասում են միջին ծանրության այրվածքներ են:
Այս պահին հոսանքազրկել ենք շենքը, խաղողի մթերման աշխատանքներ էին գնում մեծ թափով։ Մթերողներին ասել ենք, որ տանեն մյուս մասնաճյուղերում մթերեն, որպեսզի խաղողը չփչանա»- լրագրողների հետ զրույցում ասաց գործարանի հիմնադիր և սեփականատեր Արմեն Գասպարյանը:
