Մինսկում և Բելառուսի տարբեր քաղաքներում օգոստոս 30-ին զանգվածային ցույցեր են տեղի ունեցել նախագահ Ալեքսանդր Լուկաշենկոյի հրաժարականի և նոր ընտրությունների անցկացման պահանջով։  Ինչպես հայտնում է bbc.com -ը, իրավապահները դեռ ցույցից առաջ փակել են Մինսկի գլխավոր հրապարակները և մետրոյի կենտրոնական հրապարակները։ Ցույցի անցկացումը համընկել է Ալեքսանդր Լուկաշենկոյի ծննդյան օրվա հետ։ Օգոստոսի 30-ին Լուկաշենկոն դարձավ 66 տարեկան։ Ցուցարարները Լուկաշենկոյի համար մի քանի «նվեր» էին պատրաստել՝ հսկայական ստվարաթղթե խավարասեր, բռնապետության դագաղ, ծաղկեպսակներ։

Ցուցարարներին է մոտեցել Լուկաշոնկոյի օգնական Նիկոլայ Լատիշենոկը և հայտարարել, որ ցույցերն անօրինական են, ընտրություններն անցել են արդար, իսկ իշխանությունները չեն բանակցելու ընդդիմության հետ։