ԱՄՆ-ը կարծում է, որ Ռուսաստանը պետք է «հեռու մնա» Բելառուսի իրավիճակից
ԱՄՆ-ը կարծում է, որ Բելառուսում տեղի ունեցող զանգվածային ցույցերը հասկացնել տվեցին նախագահ Ալեքսանդր Լուկաշենկոյին, որ «այլեւս չպետք է անտեսել այդ երկրում ժողովրդավարություն սահմանելու կոչերը»: Այս մասին հայտարարել է ԱՄՆ նախագահի վարչակազմի բարձրաստիճան պաշտոնյան, հաղորդում է Reuters- ը:
Նրա խոսքով՝ Ռուսաստանը պետք է «հեռու մնա» Բելառուսի իրավիճակից ու հարգի Բելառուսի ինքնիշխանությունը:
Նա հավելել է, որ ԱՄՆ-ն ուշադիր հետեւում է Բելառուսում իրադարձությունների զարգացմանը:
«Բազմաթիվ խաղաղ ցուցարարներ հստակ ցույց են տալիս, որ կառավարությունն այլեւս չի կարող անտեսել ժողովրդավարության կոչերը »,-նշել է պաշտոնյան:
