2019թ-ին հաջողվել է գրանցվել 2008-ից ի վեր ամենաբարձր տնտեսական աճը՝ 7,6 տոկոս. վարչապետ

Վարչապետ Նիկոլ Փաշինյանն ԱԺ-ում կառավարության 2019թ-ի զեկույցը ներկայացնելիս անդրադարձել է նախ տնտեսության զարգացման ուղղություններին:

«Ընդունվել է այս դրույթը՝ առաջիկա 5 տարիներին կառավարության գործունեությունը միտված է լինելու բարձր տեխնոլոգիաների արդյունաբերության, բնապահպանական բարձր չափանիշներին համապատասխան, արտահանմանը միտված, մրցունակ և ներառական տնտեսություն կառուցելուն։ Առանցքային դրույթներից է զբաղվածության խթանումը և աղքատության կրճատումը: 2019-ը հետհեղափոխական առաջին լիարժեք տարին էր, որ պետք է պատկերացում տար հետհեղափոխական կառավարության և տնտեսական պոտենցիալի մասին»,-նշել է վարչապետը:

Նա ընդգծել է, որ 2019թ-ին հաջողվել է գրանցել 2008-ից ի վեր ամենաբարձր տնտեսական աճը՝ 7,6 տոկոս, ինչը տարածաշրջանում ամենաբարձրն է: