Վրաստանն ցանկանում է դառնալ զբոսաշրջիկներին վերադարձնող առաջին երկիրը

Մենք ակտիվ աշխատում ենք, որ Վրաստանը դառնա առաջին երկրներից մեկը, որը կվերադարձնի զբոսաշրջիկներին: Ինչպես հայտնում է Aliq.ge-ն, տուրիստական ոլորտի ներկայացուցիչների հետ առցանց հանդիպման ընթացքում ասել է էկոնոմիկայի նախարար Նաթիա Թուրնավան:

Կորոնավիրուսից ամենաշատը տուժել է զբոսաշրջային ոլորտը: Արդեն մարտին եկամուտները նվազել են 70%-ով՝ համեմատած նախորդ տարվա հետ: Նախարարն ասել է, որ Վրաստանն ակտիվորեն աշխատում է Տուրիզմի համաշխարհային կազմակերպության հետ, որպեսզի սահմանափակումների պայմաններում զբոսաշրջային շուկան մնա անվտանգ ու առաջիններից լինի, որը կբացի դռները: Թուրնավան ասել է, որ այս ոլորտին ժամանակ է պետք՝ ոտքի կանգնելու համար, նաև հիշեցրել է, որ իշխանություններն առաջին օրվանից աջակցել են դրան:

Վրաստանի իշխանություններն աշխատում են զբոսաշրջության աջակցության հատուկ ծրագրի վրա, որը ներառում է ինչպես հակաճգնաժամային միջոցներ, այնպես էլ խթանիչ տարրեր:

Հյուրանոցային ու ռեստորանային գործունեությամբ զբաղվող կազմակերպություններին, տուրիստական գործակալություններին, տրանսպորտային ընկերություններին, էքսկուրսիոն կազմակերպություններին կառավարությունը մինչև նոյեմբերի 1-ն ազատել է եկամտահարկից, իսկ 4 ամիս՝ գույքահարկից: Սա վերաբերում է Վրաստանում գործող 18 հազար կազմակերպության: Բացի այ, մի շարք կազմակերպություններ 1 տարով ազատվել են հողի վարձավճարներից: