Վարչապետը կհանդիպի «Իմ քայլը» խմբակցության անդամների հետ

Այսօր տեղի է ունեցել ԱԺ «Իմ քայլը» խմբակցության նիստ: Այս մասին հայտնում է SHANTNEWS.am- ը:

Լրատվականը նշում է՝ դրանով, սակայն, իշխող խմբակցությունը չի սահմանափակվի: Երեկոյան նախատեսված է նաև մեկ այլ նիստ: Այդ ժամանակ խորհրդարանականները կհանդիպեն ՀՀ վարչապետ Նիկոլ Փաշինյանի հետ:

«Իմ քայլը» խմբակցությունը սովորաբար ամեն հերթական լիագումար նիստերից առաջ օրակարգի շուրջ քննարկում կազմակերպում է, բայց ոչ վարչապետի մասնակցությամբ:

Ըստ ամենայնի, պատգամավորների և վարչապետի հանդիպման ընթացքում անդրադարձ կկատարվի նաև Հայաստանում կորոնավիրուսի իրավիճակին: