Վրաստան օտարերկրացիների մուտքը արգելող որոշումը չի վերաբերում հայ բեռնափոխադրողներին

Վրաստանում Հայաստանի դեսպանությունը տեղեկացնում է, որ այսօր կեսգիշերին Վրաստանի տարածք օտարերկրացիների մուտքը արգելող որոշումը չի վերաբերում հայ բեռնափոխադրողներին։

Անբարենպաստ եղանակի պատճառով փակված Մցխեթա-Ստեփանծմինդա-Լարս ավտոճանապարհի բացվելուն պես հայ բեռնափոխադրողները կարողանալու են Վրաստանի տարածքով իրականացնեն իրենց բեռնափոխադրումները։

Տեղեկացնում ենք նաև, որ այն բեռնատարները, որոնք բեռնափոխադրումներ են իրականացնում միայն Հայաստան-Վրաստան-Հայաստան ուղղությամբ (ՌԴ չգնացող), այժմ էլ կարող են անարգել ելումուտ անել հայ-վրացական անցակետերով։

Միաժամանակ հորդորում ենք օգտվել միայն պաշտոնական աղբյուրների հայտնած տեղեկատվությունից։