ԱԻՆ-ում բալային համակարգ է ներմուծվելու, որպեսզի խրախուսվեն լավ աշխատողները. Ցոլակյան

Այսօր՝ փետրվարի 5-ին, Արտակարգ իրավիճակների նախարար Ֆելիքս Ցոլակյանը մամուլի ասուլիսի ընթացքում նշեց, որ ԱԻՆ-ում բալային համակարգ է ներմուծվելու, որպեսզի խրախուսվեն լավ աշխատողները.«10 աշխատակից ստացել է 500 հազար դրամ պարգևավճար։ Այդպիսի բան չի եղել մեր նախարարությունում։ Տվել ենք, որպեսզի հասկանան աշխատողը ստանալու է, չաշխատողը չի ստանալու։ Շատերը կարծում են, որ պարգևավճարների ֆոնդը հավասար պետք է բաշխվի բոլոր աշխատակիցների միջև։ Բայց՝ ոչ։ Պարգևատրման ֆոնդի միջով պետք է տարանջատենք աշխատողին չաշխատողից։ Օրինակ՝ մի բաժնում աշխատում է 5 հոգի։ 2-ն աշխատում են, 3-ը՝ ոչ։ 2-ը բարձր կստանան մյուսները ցածր։ Բալային համակարգի միջոցով պարզ կդառնա ով է շատ աշխատում ու ով է շատ ստանում։ Բալային համակարգը դրա համար է»։