Իմ երեխեքի փողը դրել եմ ֆուտբոլի մեջ, ինձ ամեն ինչի մեջ կարող են մեղադրել, բայց ոչ դրա. Հայրապետյան

Ինչպես արդեն հայտնել էինք փաստաբան Ամրամ Մակինյանը ֆեյսբուքյան իր էջում հայտնել էր, որ Ռուբեն Հայրապետյանը բերման է ենթարկվել:

Ավելի ուշ  հայտնել էինք, որ Ռուբեն Հայրապետյանը քրեական ոստիկանության ծառայողների կողմից բերման է ենթարկվել ապօրինի զենք-զինամթերք պահելու կասկածանքով։

3 ժամ անց Հայրապետյանը դուրս է եկել և հայտարարել, որ իր մոտ անօրինական զենք չի հայտնաբերվել:

Նրա խոսքով` ինքն ունի օրինական 3 զենք, որից երկուսը որսորդական է: Ցանկացել են իր ավտոմեքենան խուզարկել, ինչի համաձայնությունը ինքը չի տվել: Հայրապետյանը նաև պնդել է, որ ՀՖՖ-ն իրեն գումար է պարտք:

«Իմ երեխեքի փողը դրել եմ ֆուտբոլի մեջ, ինձ ամեն ինչի մեջ կարող են մեղադրել, բայց ոչ դրա»,- ասել է Հայապետյանը:

Ամրամ Մակինյանն ասել է, որ Հայրապետյանի մեքենան անօրինական է պահվում 6-րդ վարչությունում: Պատրաստվում են դատախազություն հայց ներկայացնել: