ՈւՂԻՂ. Մահացած զինծառայողի հարազատները զինվորի դագաղը մայրուղիով բերում են Երևան
Արգավանդի խաչմերուկն այս պահին փակ է մեծաքանակ ոստիկանական ուժերի կողմից: Հունվարի 30-ին մահացած զինծառայողի հարազատները զինվորի դագաղը մայրուղիով բերում են Երևան:
Նշենք, որ հարազատները ցանկանում են մահացած զինծառայողի դին տեղափոխել պաշտպանության նախարարություն:
Հարազատների հետ փորձեցին բանակցել ՀՀ Պաշտպանության նախարար Դավիթ Տոնոյանը, ՀՀ ԱԺ «Իմ քայլը» խմբակցության պատգամավոր, ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը, սակայն հարազատներն իրենց որոշումը չփոխեցին:
Նշենք, որ Արցախում` զորամասի հրաձգարանում հունվարի 30-ին մահացած զինծառայողի հարազատները չեն հավատում մահվան պաշտոնական` ինքնասպանության վարկածին:
