Փրկարարներն արգելափակումից դուրս են բերել ավելի քան 100 ավտոմեքենա. ԱԻՆ
Փետրվարի 2-ին, ժամը 01:20-ին 911 ահազանգման կենտրոն տեղեկություն է հաղորդվել, որ Սոթք-Քարվաճառ ավտոճանապարհին ավտոմեքենան արգելափակվել է ձյան մեջ:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Փրկարարները տաքացվող վրանային ժամանակավոր հենակետեր են տեղափոխել «ԳԱԶել» (վարորդ՝ Արթուր Գ.), «Mercedes», «Opel» (վարորդ՝ Հովո Ի.), «Mercedes» (վարորդ՝ Արմեն Ղ.), «Opel» (վարորդ՝ Արտյոմ Ա.) մակնիշների ավտոմեքենաների վարորդներին և 29 ուղևորի։
Ժամը 01:58-ից 04:30-ը փրկարարներն արգելափակումից դուրս են բերել ավելի քան 100 ավտոմեքենա:
Փետրվարի 1-2-ն ԱԻՆ ՓԾ ճգնաժամային կառավարման ազգային կենտրոնում 12 ահազանգ է ստացվել հանրապետության տարբեր տարածքներում արգելափակված ավտոմեքենաների վերաբերյալ:
Մասնավորապես՝ Արագածոտնի մարզի Ապարան քաղաքում, Ծիլքար, Ռյա Թազա, Գեղաձոր և Եղիպատրուշ գյուղերում, Շիրակի մարզի Ամասիա և Բանդիվան գյուղերում, Վարդաղբյուր-Թորոսգյուղ, Վանաձոր-Ալավերդի, Երևան-Սևան, Սոթք-Քարվաճառ և Ապարան-Սարավան ավտոճանապարհներին:
Դեպքի վայր ժամանած փրկարարներն արգելափակումից դուրս են բերել բոլոր ավտոմեքենաները:
