Կորոնավիրուսով վարակման դեպքն է գրանցվել Իտալիայում
Իտալիայի վարչապետ Ջուզեպպե Կոնտեն հայտարարել է, որ Իտալիայում կորոնավիրուսով վարակման առաջին երկու դեպք է գրանցվել։ Այս մասին տեղեկացնում է ՌԻԱ «Նովոստի»-ն։
«Հաստատվել է կորոնավիրուսով վարակման երկու դեպք: Վարակվածները չինացի զբոսաշրջիկներ են, որոնք եկել են մեր երկիր»,- հայտարարել է Իտալիայի վարչապետ Ջուզեպե Կոնտեն:
2019 թվականի դեկտեմբերի 31-ին Չինաստանի իշխանություններն Առողջապահության համաշխարհային կազմակերպությանը հայտնել էին երկրի կենտրոնական հատվածում գտնվող Ուհան քաղաքում (Հուբեյ նահանգ) թոքաբորբի անհայտ տեսակի բռնկման մասին: Մասնագետների խոսքով` հիվանդության հարուցիչ է համարվում 2019-nCoV նոր տեսակի կորոնավիուսը:
Նշենք, որ կորոնավիրուսի դեպքեր են գրանցվել Չինաստանի սահմաններից դուրս 18 երկրներում, գրանցվել է վարակման ընդհանուր 98 դեպք, ընդ որում՝ 8 դեպքում վիրուսը փոխանցվել է մարդուց մարդուն՝ Գերմանիայում, Ճապոնիայում, Վիետնամում եւ ԱՄՆ-ում:
