Նման բան չի եղել. Մակունցը՝ Հայկ Մարությանի՝ քննիչ հանձնաժողով ստեղծելուն միջամտելու մասին
Նախկինում մենք ՏԻՄ-երին ուժեղացնելու համար նրանց լիազորությունները հստակ տարանջատելու համար օժտել ենք որոշակի իրավունքներով, դա հնարավորություն չի ընձեռում այս քննիչ հանձնաժողովին իրականացնել իր գործառույթները։
Այս մասին լրագրողների հետ զրույցում ասաց ԱԺ «Իմ քայլը» խմբակցության ղեկավար Լիլիթ Մակունցը։
«Սա ոչ թե քաղաքական որոշում է, այլ բացառապես իրավական դաշտին հղում կատարել և օրենքով առաջնորդվելը։ Այդ քննիչ հանձաժողովի հետ կապված մենք արել ենք մեր դիտարկումները»,-ասաց խմբկացության ղեկավարը։
Հարցին, արդյոք Երևանի քաղաքապետ Հայկ Մարությանն է խնդրել այնպես անել, որ հանձնաժողովը չստեղծվի, Մակունցը պատասխանեց.
«Նման բան չի եղել։ Մենք հնարավորինս փորձում ենք անել այնպես, որ մեր բոլոր գործողությունները լիեն հրապարակային և թափանցիկ»։
