ՀՐԱՏԱՊ. ՌԴ կառավարությունը հրաժարական է տվել
ՌԴ կառավարությունը հրաժարական է տվել, հայտնում է meduza.io-ն:
Ռուսաստանի կառավարությունը՝ վարչապետ Դմիտրի Մեդվեդևի ղեկավարությամբ, հրաժարական տվեց։ Այս մասին քիչ առաջ հայտնել է ինքը՝ Մեդվեդևը։
Հրաժարականը հետևել է Ռուսաստանի նախագահ Վլադիմիր Պուտինի ուղերձին, որն ուղղված էր Ռուսաստանի Դաշնային խորհրդին։
Մեդվեդևը հայտարարեց, որ այն պայմաններում, երբ նախագահ Պուտինը խոսել է սահմանադրական անհրաժեշտ փոփոխությունների մասին, իրենք ճիշտ են համարում հրաժարական տալ և նախագահին թույլ տալ՝ ցանկալի փոփոխությունները իրականացնել։
Պուտինն իր հերթին շնորհակալություն է հայտնել կառավարության անդամներին, թեև ասել է, որ «ամեն ինչ չէ, որ ստացվել է»։ Նա խոստացել է առաջիկայում առանձին-առանձին հանդիպել կաբինետի բոլոր անդամների հետ։
