Ես երբեք իմ անձը ձեզ չեմ պարտադրելու. Ստեփան Սաֆարյանը՝ Հխ անդամներին
Հանրային խորհրդի նորանշանակ նախագահ Ստյոպա Սաֆարյանը Հանրային խորհրդի անդամների հետ հանդիպմանը, անդրադառնալով նրանց հնարավոր մտահոգություններին, ասաց.
«Ես երբեք իմ անձը ձեզ չեմ պարտադրելու, ինչպես որ չեմ պարտադրել նախկինում»:
Սաֆարյանն ասաց՝ Հանրային խորհրդում եղել են շատ նիստեր, որտեղ որոշումներ չեն կայացրել քվորում չունենալու և այլ պատճառներով: Նա խոստացավ՝ անգամ ամենանվազ կազմով հրավիրված նիստում հնչած բոլոր տեսակետներն ուղարկվելու են կառավարություն և վարչապետին:
ՀԽ անդամ Աիդա Թոփուզյանը նկատեց՝ Հանրային խորհուրդը թիմ է, և անհրաժեշտ է միասնական աշխատանքով արդյունքների հասնել: Սաֆարյանն ասաց՝ ինքը ջանք չի խնայելու դա ապահովելու համար:
