Երևանի ընդհանուր իրավասության դատարանը, դատավոր Մնացական Մարտիրոսյանի նախագահությամբ, հրապարակեց իր որոշումը, համաձայն որի`«5-րդ ալիք»-ի սեփականատեր Արմեն Թավադյանը կալանավորվելու է: Այս մասին լրագրողների հետ զրույցում հայտնեց Թավադյանի պաշտպան Հովհաննես Խուդոյանը:

Ավելի վաղ հայտնել էինք` Թավադյանը ձերբակալվել է:

Հիշեցնենք` ՀՀ երկրորդ նախագահ Ռոբերտ Քոչարյանի աջակից Վարուժան Մկրտչյանին մեղադրանք է առաջադրվել ՀՀ Քրեական օրենսգրքի 340-րդ հոդվածի 4-րդ մասի 1-ին կետով: Նշված քրեական գործի շրջանակում էլ նույն հոդվածով նախատեսված հանցավոր արարք կատարելու կասկածանքով նախօրեին ձերբակալվել էր Թավադյանը: