Նոր Նորքի թաղապետը աշխատանքից ազատման դիմում է ներկայացրել
Երեւանի Նոր Նորքի թաղապետ Հայկ Մհրյանն աշխատանքից ազատման դիմում է ներկայացրել: Տեղեկությունը հաստատել է Երեւանի քաղաքապետի խոսնակ Հակոբ Կարապետյանը:
«Մհրյանն ազատման դիմում է ներկայացրել այլ աշխատանքի անցնելու նպատակով»,-ասաց նա: Մհրյանն աշխատանքի է անցնելու ոստիկանությունում։ Հայկ Մհրյանը Նոր Նորք վարչական շրջանի ղեկավար էր նշանակվել 2018 թվականի հոկտեմբերի 29-ից:
