Կոռուպցիայի կանխարգելման հանձնաժողովը վարույթ է հարուցել քաղաքապետ Հայկ Մարությանի կողմից անհամատեղելիության պահանջների առերևույթ խախտման հատկանիշներով:

Խոսելով այդ մասին, քաղաքապետ նշեց. «Այդքան ժամանակ, ռեսուրս ծախսել մի բանի վրա, որը ակնհայտ է, կարիք չկար։ Կարելի էր ընդհամենը 3 հազար դրամ վճարել պետռեգիստրին և տեսնել, որ ես մինչև քաղաքապետ դառնալը այլևս այդ ընկերության տնօրեն չեմ հանդիսացել։ Եթե այդ 3 հազար դրամը չկա, ես կտայի։ 400 հազար դրամ աշխատավարձ եմ ստանում, պրեմիա չեմ ստանում, որ մի ավել գումար չեմ ստանում։ Մաքուր աշխատավարձս կազմում է 400 հազար դրամ, դրանից պատրաստ էի տալ այդ 3 հազար դրամը, որպեսզի նայեն, տեսնեն և ժաամանակ և ռեսուրս չծախսեն։ Ես ուզում էի այդպես անել, բայց վախեցա, որպես կաշառք դիտարկեն, մի վարույթ էլ էդտեղ լիներ։ Ինձ մոտ տպավորություն է, որ երկրի բոլոր կոռուպցիոներենրին բռնել են, հիմա զբաղվում են այսպիսի հարցերով»։