Տեղի է ունեցել Թուրքիայի, Ադրբեջանի ու Վրաստանի ԱԳ նախարարների հանդիպումը
Թբիլիսիում տեղի է ունեցել Թուրքիայի, Ադրբեջանի ու Վրաստանի արտգործնախարարների եռակողմ ձևաչափով անցկացվող 8-րդ գագաթնաժողովը: Հանդիպումից հետո նախարարներ Մևլութ Չավուշօղլուն, Էլմար Մամեդյարովն ու Դավիթ Զալկալիանին հանդես են եկել համատեղ ասուլիսով, հայտնում է ermenihaber-ը:
Չավուշօղլուն ասել է, որ նմանատիպ մեխանիզմները կարևոր են երկկողմ ու տարածաշրջանային խնդիրների քննարկման համար: Թուրք նախարարը հայտարարել է, որ իր երկիրը Ադրբեջանի ու Վրաստանի հետ հրաշալի հարաբերություններ ունի ու ավելացրել. «Ցանկանում ենք, որ մեր միջև առկա համագործակցությունն ու համերաշխությունն օրինակ լինի տարածաշրջանի հարևան երկրների համար»:
Թուրք նախարարը նաև նշել է, որ 3 կողմերը հաստատել են վճռականությունը Բաքու-Թբիլիսի-Կարս երկաթուղով կատարվող բեռնափոխադրումների ծավալները մեծացնելուն միտված աշխատանքները շարունակելու հարցում:
