Խոշոր ավտովթար է տեղի ունեցել Գյումրիում. կա վիրավոր
Երեկ՝ դեկտեմբերի18-ին, խոշոր ավտովթար է տեղի ունեցել Շիրակի մարզում։ Ժամը 18։10- սահմաններում Գյումրի քաղաքի Տիգրան Մեծ պողոտա և Մազմանյան փողոցի խաչմերուկում բախվել են Գյումրիի բնակիչներ՝ 25-ամյա Արտյոմ Կարապետյանի վարած BMW մակնիշի 77 AR 117 համարանիշի և 24-ամյա Հովհաննես Համբարյանի վարած Opel մակնիշի 36 QF 508 համարանիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով Opel-ի ուղևոր՝ Գյումրիի բնակիչ, 20-ամյա Օ. Հ-ն մարմնական վնասվածքներով տեղափոխվել է Գյումրու բժշկական կենտրոն:
