ԼՈՒՍԱՆԿԱՐՆԵՐ. Աշխարհում ամենածեր ամուսնական զույգը նշել Է հարսանիքի 80-րդ տարեդարձը

Աշխարհում ամենածեր ամուսնական զույգը՝ ԱՄՆ-ի բնակիչներ 106-ամյա Ջոն և 105-ամյա Շառլոտա Հենդերսոնները, նշել են իրենց հարսանիքի 80-րդ տարեդարձը: Այս մասին հայտնել Է CNN հեռուստաալիքը: Տարեդարձի առթիվ Ջոնը Շառլոտային զբոսանքի Է տարել 1920 թվականի թողարկման ավտոմեքենայով և նրան ծաղկեփունջ Է նվիրել՝ կրկնելով իրենց առաջին ժամադրության իրադարձությունները:

Ամուսիններն այդ հիշարժան օրը նշել են ընտանիքի և մերձավորների շրջապատում՝ դիտելով այդ տարիների ընթացքում զույգի լուսանկարների սլայդ-շոուն: Ապագա ամուսինները ծանոթացել են 1934 թվականին Տեխասի համալսարանում և  ամուսնացել 1939 թվականին: 

Հենդերսոններին ներառել են Գիննեսի ռեկորդների գրքում՝ որպես աշխարհի ամենածեր ամուսնական զույգ: «Նրանք հիանալի զույգ են և շատ երջանիկ մարդկանց օրինակ հարաբերություններում. նրանք ուրախ են լինել կողք-կողքի, միասին ճանապարհորդել և պարզապես ապրել»,-հայտարարել Է ամուսինների թոռը՝ Ջեյսոն Ֆրին: Հեռուստաալիքը նշում Է, որ ամուսիններն ամուր առողջություն ունեն, և նրանք ասում են, որ երկարակեցության և երջանիկ ամուսնության գաղտնիքը համեստ կյանքի և փոխադարձ սիրո մեջ է: