Բաղանիսում հակառակորդը մոտ կես ժամ է անդադար կրակում է. միջպետական փակ ճանապարհը հաջողվել է բացել
Ռեֆորմիստների կուսակցության նախագահ Վահան Բաբայանը ֆեյսբուքյան էջում գրել է, որ հայ ֊ադրբեջանական սահմանի Բաղանիս֊Ոսկեպար֊Ոսկեվան հատվածում հակառակորդը խախտել է հրադադարը։ «Մոտ կես ժամ է անդադար կրակում են։Փակ է Երևան֊Վրաստան միջպետական ճանապարհի Բաղանիս Ոսկեպար հատվածը: Մեքենաները շրջանցիկով են երթևեկում»,- գրել է Բաբայանը։
AuroraNews-ի հետ զրույցում Բաղանիսի գյուղապետ Նարեկ Սահակյանը հաստատեց տեղեկությունը: Սահակյանի փոխանցմամբ` Երևան֊Վրաստան միջպետական ճանապարհի Բաղանիս-Ոսկեպար հատվածը քիչ առաջ բացել են: Համայնքի ղեկավարի տեղեկացմամբ` վիրավորներ, տուժածներ, գյուղին հասցված վնասներ չկան:
