Ողջունում եմ ԱՄՆ Սենատին՝ Ցեղասպանության ճանաչման բանաձևերը ընդունելու համար․ Միրզոյան

Ազգային ժողովի այսօրվա նիստը սկսվեց ԱԺ նախագահ Արարատ Միրզոյանի հայտարարությամբ, որով նա Հայաստանի խորհրդարանի երեք խմբակցությունների ողջունեց ԱՄՆ Սենատի, իսկ դրանից առաջ՝ Ներկայացուցիչների պալատի ընդունած բանաձևերը Օսմանյան կայսրությունում հայերի ցեղասպանության ճանաչման վերաբերյալ։

«Սրանով՝ այս կարևոր քվեարկությամբ, Միացյալ Նահանգները միացավ ցեղասպանությունների կանխարգելմանն ուղղված համաշխարհային շարժմանը», – ասաց Միրզոյանը։

Նա նաև շնորհակալություն հայտնեց ԱՄՆ խորհրդարանի երկու պալատների բոլոր այն անդամներին, որոնք հայանպաստ գործունեություն են ծավալել մինչև հիմա, ինչպես նաև ԱՄՆ հայկական կազմակերպություններին, որոնք էլ իրենց ջանքերն են ներդրել այս գործում։