Վիվա հայ-ամերիկյան բարեկամություն. Մակունց
ԱԺ Իմ քայլը խմբակցության ղեկավար Լիլիթ Մակունցը ֆեյսբուքյան էջում գրել է.
«Քիչ առաջ ԱՄՆ Սենատը միաձայն ընդունեց Հայոց Ցեղասպանությունը ճանաչող բանաձևը: Ի ուրախություն մեզ բոլորիս՝ պատմական ճշմարտության վերականգնումն ու արժանի գնահատական տալն այսօր հստակ դրսևորվեց ԱՄՆ բոլոր սենատորների կողմից։ Հայոց Ցեղասպանության միջազգային ճանաչումը ոչ միայն ցույց է տալիս, որ մարդկային ողբերգության պատմությունը չի մոռացվում, այլև դրա կանխարգելման համար այսօր էլ մղվում է պայքար։
Շնորհակալություն բոլոր այն անհատներին և կառույցներին, որոնք իրենց կարևոր ներդրումն ունեցան արդարության համար մղվող այս համառ պայքարում։ Շնորհակալություն բոլոր սենատորներին, հատկապես սենատոր Մենենդեսին և սենատոր Կրուզին իրենց հետևողական ջանքերի համար: Վիվա հայ-ամերիկյան բարեկամություն»:
