Այսօր կհրապարակվի դատավոր Պապոյանին ինքնաբացարկ հայտնելու միջնորդության վերաբերյալ դատական ակտը
Ռոբերտ Քոչարյանի փաստաբանական թիմը հայտնում է, որ այսօր կհրապարակվի դատավոր Մխիթար Պապոյանին ինքնաբացարկ հայտնելու միջնորդության վերաբերյալ դատական ակտը։
«Վերաքննիչ քրեական դատարանն այսօր՝ դեկտեմբերի 9-ին, ժամը 16:00-ին կհրապարակի դատախազության կողմից նախագահող դատավոր Մխիթար Պապոյանին ինքնաբացարկ հայտնելու միջնորդության վերաբերյալ դատական ակտը։
Դատախազ Գևորգ Բաղդասարյանի կարծիքով՝ դատավոր Պապոյանը չի կարող անաչառ ու անկողմնակալ վարքագիծ դրսևորել, քանի որ առկա են դրա վրա ազդող արտաքին գործոնները, որոնք կարող են անվստահություն առաջացնել Պապոյանի կողմից կայացվող ակտի նկատմամբ։
Հիշեցնենք, որ Վերաքննիչ քրեական դատարանը՝ Պապոյանի նախագահությամբ, պետք է քննի Երևանի ընդհանուր իրավասության դատարանի կողմից Ռոբերտ Քոչարյանին գրավի դիմաց ազատ չարձակելու որոշման դեմ պաշտպանների բողոքը»,-ասված է հայտարարության մեջ։
