ԲՀԿ-ական պատգամավորը՝ Սերժ Սարգսյանին առաջադրված մեղադրանքի մասին

Լրագրողների հետ զրույցում ասաց «Բարգավաճ Հայաստան» խմբակցության պատգամավոր Գևորգ Պետրոսյանը անդրադարձել է Սերժ Սարգսյանին առաջադրված մեղադրանքին` նշելով, որ հստակ դիրքորոշում չի կարող հայտնել, քանի դեռ հստակ ծանոթ չէ:

Դիտարկմանը, որ վերջերս Սերժ Սարգսյանը կոշտ արտահայտություններ էր արել իշխանության հասցեին, արդյոք սա կարող էր լինել նրան լռեցնելու փորձ, Պետրոսյանը պատասխանեց. «Իշխանության արածների և անելիքների մասին պետք է իշխանությունից հարցնել։ Ես չգիտեմ՝ իրենք ինչքանով են պարտք Սերժ Սարգսյանին, որ այսօր իշխանություն են, ինչքանով նրա առաջ պարտավորություններ ունեն: Ի վերջո, մի բան ճշմարտություն է, որ իշխանությունը զիջվեց անարյուն, դրա համար էլ ասվում է Թավշյա հեղափոխություն։ Սերժ Սարգսյանի ելույթում հնչեցին կոշտ արտահայտություններ, ինչը չէր կարող մեր իշխանության քիմքին հաճելի լիներ։ Բայց ես չեմ կարող այդպիսի պատասխանատու պնդում անել, որ Սերժ Սարգսյանի նկատմամբ քրեական գործի հարուցումը պայմանավորված է բացառապես քաղաքական շարժառիթներով։ Դա չի բացառվում, բայց այդպիսի պնդում անելու համար պետք է իրազեկված լենել, իսկ ես այդպիսի տեղեկատվություն չունեմ»։