Եկող տարի Երևանի միկրոավտոբուսների գրեթե կեսը դուրս է գալու շահագործումից
Երևանի քաղաքապետ Հայկ Մարությանն այսօր լրագրողների հետ ճեպազրույցում խոսեց հասարակական տրանսպորտի մասին: Նա տեղեկացրեց՝ օրական միջինացված 1330 միկրոավտոբուս ունեն, որ պետք է ամեն օր գիծ դուրս գա:
«Ամեն օր դրանցից դուրս է գալիս 900-950-ը: «Երևանտրանս»-ից ինձ անգամ զեկուցում են, որ մոտավոր 930-ն է դուրս գալիս: Մյուս տարի մոտ 400-450 միկրոավտոբուսի 15 տարին լրանալու է, իսկ օրենքի ուժով դրանք իրավունք չունեն սպասարկելու մեր քաղաքացիներին: Գրեթե կեսը, այսպես թե այնպես, դուրս է գալու շահագործումից, իսկ մասնավորները նոր ներդրում չեն ուզում անել, քանի որ շահութաբեր չէ այս ամենը»,- ասաց նա:
