Քաղաքականություն

ՏԵՍԱՆՅՈՒԹ. Թրամփը Գրեհեմի հրաժեշտի արարողության ընթացքում կոնֆետներ է բաժանել

ԱՄՆ նախագահ Դոնալդ Թրամփը սենատոր Լինդսի Գրեհեմի հոգեհանգստի արարողության ժամանակ շեղվել է ընթացքից՝ իր պաշտոնյաներին շնչառությունը թարմացնող կոնֆետներ հյուրասիրելու համար։ Երեքշաբթի օրը Վաշինգտոնի…

ԱՄՆ նախագահ Դոնալդ Թրամփը սենատոր Լինդսի Գրեհեմի հոգեհանգստի արարողության ժամանակ շեղվել է ընթացքից՝ իր պաշտոնյաներին շնչառությունը թարմացնող կոնֆետներ հյուրասիրելու համար։


Երեքշաբթի օրը Վաշինգտոնի ազգային տաճարում տեղի ունեցած սգո արարողության առաջին շարքում նստած են եղել նախագահը, նրա որդի Էրիկը՝ տիկնոջ հետ, փոխնախագահ Ջեյ Դի Վենսը, ֆինանսների նախարար Սքոթ Բեսենթը, նախագահի հատուկ հանձնակատար Սթիվ Ուիթքոֆը և Սպիտակ տան աշխատակազմի ղեկավար Սյուզի Ուայլսը։


Մինչ ներկաները հանդես էին գալիս դամբանականներով ու հիշում հակառուսական կոշտ դիրքորոշմամբ աչքի ընկած սենատորի գործունեությունը, Թրամփը բաճկոնի գրպանից հանել է կոնֆետներն ու առաջարկել կողքին նստած Վենսին և Բեսենթին։ Վերջիններս, թեև փոքր-ինչ զարմացած ու շփոթված, ժպիտով ընդունել են ղեկավարի հյուրասիրությունը, ինչն ակնհայտորեն զվարճացրել է Թրամփին։


Սրանից առաջ՝ հոգևոր երգեցողության ընթացքում, նախագահն ակնհայտ ձանձրացած տեսք է ունեցել․ ի տարբերություն մյուսների՝ նա չի հետևել աղոթագրքին և չի փորձել երգել՝ անհաղորդ հայացքով նայելով շուրջբոլորը։


Գրեհեմի գրասենյակը հուլիսի 12-ին տեղեկացրել էր, որ 71-ամյա սենատորը մահացել է սիրտ-անոթային համակարգի բարդություններից։ Մահվանից օրեր առաջ նա վերադարձել է Ուկրաինա կատարած այցից։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8059) Միջազգային (3537) ԱՄՆ (2371) Ռուսաստան (2264) Իրան (1787) Ընտրություններ (1285) Ուկրաինա (921) Երևան (821) Իսրայել (767) Ադրբեջան (680) Փաշինյան (599) Եվրոպա (530) Ազգային ժողով (502) Ընդդիմություն (484) Թրամփ (453)

Radio Aurora

Լսել Radio Aurora

Գովազդային տարածք

300x250