ՏԵՍԱՆՅՈՒԹ. Եթե այս հարցը չլուծվի, դա կլինի ԵԱՏՄ–ի վերջի սկզբը. Փաշինյանը՝ արտահանումների խնդիրի մասին

Փաստացի ստացվում է, որ ԵԱՏՄ-ն կաթվածահար է և չի աշխատում։ Եթե այս հարցն արագ չլուծվի, թույլ տվեք կանխատեսել, որ դա կլինի ԵԱՏՄ վերջի սկիզբը. Փաշինյանը` արտահանման սահմանափակումների մասին

«Վլադիմիր Պուտինի հետ երկխոսությունը ստացվեց։ Առնվազն մի քանի հարցերի շուրջ մենք եկանք ընդհանուր ըմբռնման․ ամենակարևորը, որ ՀՀ-ն ունի լեգիտիմ իրավունք ինքն իր համար այլընտրանքներ ձևավորելու։ Ես ՌԴ նախագահին ասացի, որ մենք հայտարարել ենք այդ ճանապարհը և գնալու ենք այդ ճանապարհով, մանավանդ հիմա, երբ ՀՀ ժողովուրդն էլ քվեարկել է դրա օգտին։ ՀՀ-ն միշտ և բոլոր հարցերում պետք է ունենա այլընտրանքներ, և այլընտրանք չունենալու դարաշրջանը փակված է։ Այստեղ խնդիրը հետևյալն է, թե էդ այլընտրանքը երբ պետք է իրացվի»,–ՔՊ նիստից հետո լրագրողներին ասաց ՀՀ վարչապետը։

Ինչ վերաբերում է՝ ԵՄ, թե ԵԱՏՄ հարցով հանրաքվե անցկացնելու հարցին, Փաշինյանը նշեց, որ դա անելուց առաջ Հայաստանն առնվազն պետք է դիմած լինի ԵՄ-ին անդամագրվելու հարցով։