Ավետ Կոնջորյանի շուրջ նոր զարգացում․ դատախազությունը ընթացք է տվել հաղորդմանը

Գլխավոր դատախազությունից auroranews.am-ին փոխանցեցին, որ ստացված հաղորդումին ընթացք է տրվել օրենքով սահմանված կարգով։

Դրանից առաջ «Իրազեկ քաղաքացիների միավորում» ՀԿ-ի ղեկավար Դանիել Իոաննիսյանը տեղեկացրել էր դատախազություն հանցագործության մասին հաղորդում ներկայացնելու մտադրության մասին։

Համացանցում հայտնված տեսանյութում երևում էր, թե ինչպես է Ավետ Կոնջորյանը ավտոմեքենայով մի քանի անգամ երթևեկում ՔՊ-ական, Աբովյանի բնակիչ Նաիրի Հակոբյանի տան մոտով և հնչեցնում սեռական բնույթի հայհոյանքներ։

Հիշեցնենք, որ հուլիսի 23-ի գիշերը Ավետ Կոնջորյանը ծեծի էր ենթարկվել, ինչից հետո ձերբակալվել են մի քանի անձինք, այդ թվում՝ Նաիրի Հակոբյանը։ Քննչական կոմիտեում նախաձեռնվել է քրեական վարույթ՝ մի խումբ անձանց կողմից խուլիգանություն և ֆիզիկական ներգործություն կատարելու հատկանիշներով։