16:00 Լուրերը մեկ տողով. Միլիարդավոր դրամների բռնագանձումներից մինչև ԱԺ հանձնաժողովների նոր ղեկավարներ

Անցած ժամվա լուրերը՝ հակիրճ և բովանդակային.

•Գլխավոր դատախազությունը պահանջում է բռնագանձել Գագիկ Ծառուկյանին և նրան փոխկապակցված անձանց պատկանող 75 անշարժ գույք, 42 տրանսպորտային միջոց, 38 ընկերություններում մասնակցություն և շուրջ 106 միլիարդ դրամ:

•ՊԵԿ նախկին նախագահ Գագիկ Խաչատրյանից և նրա հարազատներից պետությանն օգտին պահանջվում է բռնագանձել 193 անշարժ գույք, տասնյակ ընկերությունների մասնաբաժիններ, խոշոր ավանդներ ու միլիարդավոր դրամների ֆինանսական միջոցներ:

•«Քաղաքացիական պայմանագիր» խմբակցության պատգամավոր Արթուր Հովհաննիսյանը լրագրողներին տեղեկացրել է հանձնաժողովի քվեարկության ավարտվելու մասին։

•Վեդիի նախկին համայնքապետ Գարիկ Սարգսյանը հաստատել է, որ առաջադրվել է Ազգային ժողովի մշտական հանձնաժողովներից մեկի նախագահի թեկնածու:

•ՔՊ վարչության փակ նիստում ընտրվել են ԱԺ մշտական հանձնաժողովների նախագահների թեկնածուները, իսկ Պաշտպանության և անվտանգության հարցերի հանձնաժողովի համար ընթանում է քննարկում:

•Սասուն Միքայելյանը մեկնաբանել է ԱԺ պաշտպանության և անվտանգության հարցերի մշտական հանձնաժողովի նախագահի թեկնածու չընտրվելու հանգամանքը:

•Հայաստանում նախատեսվում է սահմանել օտարերկրյա որդեգրման ոլորտում գործող արտերկրի կազմակերպությունների ավտորիզացման, վերահսկման և գործունեության դադարեցման հստակ կարգ:

•Մարկ Ցուկերբերգը հայտարարել է, որ ԱՄՆ-ն չպետք է արգելափակի չինական արհեստական բանականության մոդելները, քանի որ դա չի նպաստի ամերիկյան ընկերությունների մրցունակության բարձրացմանը: