Չի ուզել, չի շնորհավորել. Փաշինյանը` Պուտինի մասին

Չի ուզել, չի շնորհավորել: Այս մասին լրագրողների հետ զրույցում ասել է ՀՀ վարչապետ Փաշինյան` անդրադառնալով ՌԴ նախագահ Վլադիմիր Պուտինի` իրեն չշնորհավորելու մասին հարցին:

«ՌԴ նախագահը ինձ չի շնորհավորել, բայց այստեղ հարց է առաջանում, բա այդ դեպքում ինքն ում հետ էր խոսում»,–լրագրողի հարցին հարցով պատասխանեց նա։

Հավելեց, թե Պուտինի հետ հանդիպում նախատեսվում է, բայց չգիտի` երբ։

Նիկոլ Փաշինյանը նաև հավելել է, որ Եվրամիությանն անդամակցե՞լ, թե՞ մնալ Եվրասիական տնտեսական միության կազմում․ այս հարցով հանրաքվե անցկացնելուց առաջ Հայաստանն առնվազն պետք է դիմած լինի ԵՄ-ին անդամագրվելու հարցով։ 

Անդրադառնալով այն հարցին, թե արդյոք ՌԴ նախագահի հետ հեռախոսազրույցում անդրադարձ եղե՞լ է այն հարցին, թե որն է հանրաքվե անցկացնելու վերջնաժամկետը, Փաշինյանն անընդունելի համարեց նման մոտեցումը։

«Հանրաքվեի վերջնաժամկետների հետ կապված խոսույթն ընդհանրապես անընդունելի է։ Մեր ինքնիշխան իրավունքների հետ կապված մենք ինքներս ենք որոշում կայացնում։ Մենք պետք է որոշենք՝ երբ հանրաքվե անենք, երբ չանենք։ Ես ասեցի՝ ինչ պայմաններում էդ հանրաքվեն կարող է տեղի ունենալ, հետևաբար էդ մասով խոսույթը տեղին չէ»,- ասաց Փաշինյանը։