75 անշարժ գույք, 42 մեքենա և 105 միլիարդ դրամ․ դատախազության պահանջը Գագիկ Ծառուկյանի նկատմամբ

Գլխավոր դատախազության ապօրինի ծագում ունեցող գույքի բռնագանձման գործերով վարչության պետ Կորյուն Սերոբյանը ներկայացրել է Գագիկ Ծառուկյանից և նրան փոխկապակցված անձանցից բռնագանձման ենթակա գույքի ցանկը։

Ըստ դատախազության պահանջի՝ ենթակա է բռնագանձման 75 անշարժ գույք, այդ թվում՝ 52 բնակարան Նոր Նորք վարչական շրջանում, 5 բնակարան Աբովյան փողոցում, 11 բնակարան Կոտայքի մարզում և այլ անշարժ գույքեր։ Պահանջը ներառում է նաև 10 գույքի շուկայական արժեք, 42 տրանսպորտային միջոց, ինչպես նաև մասնակցություն 38 իրավաբանական անձում, որոնց թվում են «Մուլտի Գրուպ Կոնցեռն» ՍՊԸ-ն, «Մուլտի Ավտոտրանս» ՍՊԸ-ն, «Օնիրա քլաբ» ՍՊԸ-ն և այլ ընկերություններ։

Ներկայացված դրամական պահանջի չափը կազմում է 105.865.865.226 դրամ։

Կորյուն Սերոբյանը նաև հիշեցրել է դատախազության բավարարված միջնորդության մասին, որի համաձայն՝ որպես հայցի ապահովման միջոց «Արարատցեմենտ» ՓԲ ընկերության կառավարումը փոխանցվել է պետությանը։