Փաշինյանն անդրադարձել է Հայկ Կոնջորյանի եղբոր հետ կապված միջադեպին

Ավետ Կոնջորյանին առնչվող դեպքով կուսակցության ներսում քննարկում չկա: Այս մասին լրագրողների հետ զրույցում հայտնել է Նիկոլ Փաշինյանը:

«ՀՀ բոլոր քաղաքացիներն օրենքի առաջ հավասար են, և ՔՊ անդամ լինելը որևէ մեկին առավելություն չի տալիս, բայց որևէ մեկին չի նսեմացնում։ Կուսակցության ներսում քննարկում չկա։ Իրավական պրոցես է գնում․ նման դեպքեր եղել են, երբ իրավական գործընթաց է գնացել, իրավական գնահատական է հնչել, մարդիկ են հեռացվել կուսակցությունից, դրանից հետո կամ դրանից առաջ դատապարտվել են»,- ասաց Փաշինյանը։

Ինչ վերաբերում է Հայկ Կոնջորյանի՝ ԱԺ փոխնախագահի պաշտոնում թեկնածու առաջադրելու հարցի վերանայմանը, Փաշինյանը դրա համար հիմք չի տեսնում։ Նրա խոսքով՝ ՔՊ-ի ներսում կա վերահսկող վարչություն, եթե կարիք լինի, հանձնաժողովը կքննարկի և կներկայացնի վարչությանը։