Ջրվեժ գյուղում պղծվել են մի քանի գերեզմաններ

Այսօր՝ նոյեմբերի 24-ին, հերթական սրբապղծությունն ու վանդալիզմն է տեղի ունեցել Կոտայքի մարզում։ Առավոտյան ժամը 11։30-ի սահմաններում Ջրվեժ գյուղի բնակիչ՝ 80-ամյա Վոլոդյա Ալեքսանյանը հերթական անգամ այցելել է Կոտայքի մարզի Ջրվեժ գյուղում գտնվող իր կնոջ գերեզմանը և հայտնաբերել է ինչ-որ անհայտ անձի կամ անձանց կողմից գերեզմանը պղծված։ Ինչպես դեպքի վայրից հայտնում է ֆոտոլրագրող Գագիկ Շամշյանը, ոստիկանները պարզել են, որ ճիվաղը կամ ճիվաղները ոչ միայն պղծել են 80-ամյա ծերունու կնոջ գերեզմանը, այլ նաև հարակից մի քանի գերեզմաններ։ Գերեզմանաքարերի վրա ինչ-որ նյութ են լցրել ու կեղտոտել։ 

Գ. Շամշյանը հայտնում է նաև, որ մյուս պղծված գերեզմանատերերը դեռևս տեղեկացված չեն տեղի ունեցած վանդալիզմի մասին, և Գառնիի բաժանմունքի պետի տեղակալ Գ. Բուռնազյանը համայնքային ոստիկանների հետ արդեն պարզում է այդ քաղաքացիների ինքնությունը։