ՏԵՍԱՆՅՈՒԹ. Սոնա Աղեկյանը հանցագործության մասին հաղորդում է ներկայացնում
«Հաղորդում հանցագործության մասին». այսպես է իր ֆեյսբուքյան ուղիղ եթերը մակագրել Երևանի ավագանու նախկին անդամ Սոնա Աղեկյանը՝ մանրամասնելով, թե ինչպես են ոստիկանության աշխատակիցները խոչընդոտել իրենց խաղաղ հավաքը:
«Երկու օր առաջ, երբ փորձել ենք սատարել ԿԳՄՍ նախարարի հրաժարականը պահանջող ուսանողներին և փոքրիկ խաղաղ ակցիա էինք իրականացնում, ոստիկանության աշխատակիցներն ապօրինաբար խոչընդոտեցին մեր աշխատանքը՝ ասելով, որ մեր ներկայությունը խաթարում է ԿԳՄՍ աշխատակիցների աշխատանքը: Այնուհետև, բռնի ուժ կիրառեցին իմ նկատմամբ, սահմանափակեցին տեղաշարժվելու իմ իրավունքը՝ թույլ չտալաով իրականացնել մեր փոքրիկ ակցիան, ինչը նշանակում է, որ մենք ապրում ենք բռնակալական համակարգում»,- ասաց Ս. Աղեկյանը:
