Տեսախցիկների առաջ քեզ ազատություն մի տուր․ Ղազարյանը՝ քաղաքացուն
Կառավարության շենքի դիմաց շարունակում է իրավիճակը լարված մնալ։ Բողոքի ակցիա են իրականցնում Կոնդի, Եկմալյանի եւ Ֆիրդուսի բնակիչների կողմից։
ՀՀ կառավարության աշխատակազմի քաղաքացիների ընդունելության եւ դիմումների քննարկման վարչության պետ Ալեքսանդր Ղազարյանը դուրս գալով բողոքող քաղաքացիների մոտ, խնդրեց ձայնը չբարձրացնել։
«Ձայնս կբարձրացնեմ, ոնց որ դու էիր քո ձայնը բարձրացրել, կարո՞ղ ա մենք քո դեմը լակոտ ենք»,-ասաց բնակիչներից մեկը։
Ի պատասխան Ղազարյանը քաղաքացուն ասաց․ «Տեսախցիկների առաջ քեզ ազատություն մի տուր ու ժողովրդին մի խաբի»։
Բնակիչները վրդովվեցին․ Մենք չենք խաբում, 20 տարի է մեր դիմումները տեղ չի հասնում»։
Ալեքսանդր Ղազարյանն էլ ասաց, որ հանձնարարությունը գնացել է Կադաստրի կոմիտե, հաշվարկներ են կատարվում Կոնդի տարածքում գեոդեզիա, քատեզագրում իրականացնելու համար։
«Գումարների խնդիրն է։ Գումարներն է հաշվարկվում ամբողջ Կոնդի տարածքում գեոդեզիա, քարտեզագրում իրականացնելու համար»-ասաց նա։
