ՏԵՍԱՆՅՈՒԹ. Վարչապետը ԱԺ-ում մասնակցում է պետական բյուջեի նախագծի քննարկմանը
Վարչապետ Նիկոլ Փաշինյանը մասնակցում է Ազգային ժողովում ՀՀ 2020 թվականի պետական բյուջեի նախագծի քննարկումներին:
Նա անդրադարձավ երկու՝ օդից կախված հարցադրման, նախ՝ արդյո՞ք 2020թ. բյուջեի նախագիծը հեղափոխական է, երկրորդը՝ ե՞րբ են մարդիկ փոփոխություն զգալու իրենց կյանքում:
«2018թ. հեղափոխության շրջանում, երբ ես դեռ ՀՀ վարչապետ չէի, հայտարարել եմ հրապարակային, որ 1-2 տարվա ընթացքում ՀՀ բյուջեն կարող է կամ պետք է ավելանա 30-35 տոկոսով, սա եղել է հեղափոխության կարգախոսներից կամ խոստումներից մեկը:
2020թ. պետբյուջեում եկամտային մասը 2018թ. եկամտային մասը գերազանցում է 27,4 տոկոսով, եթե սրան գումարում ենք նաև 2018թ. ընթացքում բյուջեի գերակատարման ցուցանիշները, որոնք արդեն 62 մլրդով գերակատարված են, ուրեմն բյուջեի աճը կազմում է 33 տոկոս, իսկ եթե սրան ավելացնում ենք այն բյուջետային կորուստները, որ մենք մեր որոշումների արդյունքում ունեցել ենք, հարկային օրենսգրքի փոփոխության, պարտադիր կուտակային կենսաթոշակների արդյունքում, որ պետք է հավաքեինք, բայց հրաժարվել ենք կամավոր, մեր աճը արդեն իսկ կազմում է 35 տոկոս:
