Լևոն Արոնյանը հաղթեց Շահրիյար Մամեդյարովին
Բուխարեստում անցկացվող շախմատի Grand Chess Tour-ի 6-րդ փուլի կայծակնային մրցաշարում այսօր մեկնարկեց երկրորդ շրջանը:
Հայաստանի շախմատիստ Լևոն Արոնյանը 10-րդ տուրի պարտիայում սպիտակներով հաղթեց ադրբեջանցի Շահրիյար Մամեդյարովին: Մեր գրոսմայստերը ընդհանուր հաշվարկով վաստակեց 16,5 միավոր և հավասարվեց առաջատար Անտոն Կորոբովին: Առաջիկա, 11-րդ տուրում, Լևոն Արոնյանը կհանդիպի հենց ուկրաինացի գրոսմայստերի հետ:
