«Փաստ». Ժամկետանց մսամթերքը հետ են վերցնում, խառնում նորի հետ ու նորից վաճառքի հանում
«Փաստ» օրաթերթը գրում է. «Փաստ» օրաթերթը քաղաքացիներից պարբերաբար ահազանգեր է ստանում, որ մսամթերք արտադրող մի շարք ընկերություններ խանութներից հետ են վերցնում պիտանելիության ժամկետը լրացած ապրանքները, ապա դրանք խառնում նոր արտադրվող մսամթերքին ու նորից վաճառքի հանում:
Ահազանգն ինքնին չափազանց մտահոգիչ է: «Փաստը» սկզբի համար հարցումներ է ուղարկելու արտադրողներին, ապա և վաճառակետերին:
Հետո նաև կզրուցենք ոլորտի փորձագետների հետ: Այս անգամ դիմել ենք «Բարի Սամարացի» ընկերությանը:
Այս կազմակերպությունից իրենց մասով տեղեկությունը կտրուկ հերքեցին:
«Ցանկացած սուպերմարկետից ու խանութից հեշտությամբ կարելի է ճշտել ու համոզվել, որ «Բարի Սամարացի» ընկերությունը «վերադարձ» չի ընդունում: Այսպես կոչված վերադարձի ենթակա ողջ ապրանքը հենց խանութներից թափվում է:
«Բարի Սամարացի» ընկերությունը պատասխանատու է իր արտադրանքի որակի համար՝ արտադրությունից մինչև իրացում»:
Առավել մանրամասն՝ թերթի այսօրվա համարում
