Հոկտեմբերի 27-ի գործին օտարերկրյա ներգրավում կա. Արծվիկ Մինասյան
«Հոկտեմբերի 27-ի գործում կա առանձնացված մաս, և այն երբևէ չի կասեցվել»,-այս մասին այսօր հայտնեց ՀՅԴ անդամ Արծվիկ Մինասյանը՝ պատասխանելով այն հարցին, թե արդյոք բացահայտվել են Հոկտեմբերի 27-ի ահաբեկչության պատվիրատուները։
Մինասյանի խոսքով՝ այդ առանձնացված մասը քննչական մարմինների իրավասության ներքո է։
ՀՅԴ անդամ նախկին նախարարը պնդում է, որ օտարերկրյա ներգրավում կա այս գործում, ինչին, սակայն, իշխանությունները ուշադրություն չեն դարձնում։ Մինասյանի խոսքով՝ նաև թուրքական հատուկ ծառայությունների մասին հիշատակումներ են եղել։
