Օպերացիայի է ենթարկվել ծունկս․ Սեդրակ Առուստամյանը՝ դատարանում

Վերաքննիչ քրեական դատարանն այսօր քննել է «Մուլտի Գրուպ» կոնցեռնի տնօրեն Սեդրակ Առուստամյանի խափանման միջոց կալանքը 20 միլիոն դրամ գրավով փոխելու որոշման դեմ դատախազության բողոքը, որոշումը կընդունվի երկուշաբթի օրը: 

Հիշեցնենք՝ նրան մեղադրանք է առաջադրվել ՀՀ քրեական օրենսգրքի 38-189-րդ հոդվածի 3-րդ մասով` ֆինանսական բուրգ ստեղծելու, կազմակերպելու կամ ղեկավարելու և 38-205-րդ հոդվածի 2-րդ մասով հարկ, տուրք կամ պարտադիր այլ վճարը չվճարելու հատկանիշներով:

Առուստամյանը ձեռնափայտով էր եկել դատարան։ Լրագրողները հետաքրքրվեցին՝ ի՞նչն է ձեռնափայտով շրջելու պատճառը, Առուստամյանը պատասխանեց․ «Օպերացիայի է ենթարկվել ծունկս»։ 

Հարցին, թե դատարանի որոշման վերաբերյալ ինչ կանխատեսում ունի, Առուստամյանն ասաց․ «Ես նաստրադամուսը չեմ, ես վստահ եմ, որ ազնիվ եմ, ոչ մի հանցագործություն չեմ գործել և կարծում եմ՝ դատարանը ճիշտ որոշում կկայացնի»,- նշեց նա։