«Հեղափոխությունից հետո թաքուն արվող բաները անընդունելի են»,- այսօր՝ հոկտեմբերի 22-ին, լրագրողների հետ զրույցում, անդրադառնալով տեղեկությանը, որ վարչապետը գաղտնի բարձրացրել է որոշ նախարարների աշխատավարձը, ասաց ՀՀ ԱԺ ԲՀԿ խմբակցության ղեկավար Գագիկ Ծառուկյանը:

Նրա խոսքերով, այդ փոփոխությունները պետք է լիենին, բայց պետք է լինեին բացահայտ:

«Այսօր ժողովրդից թաքուն ո՞նց կարելի ա անել: Եթե ժողովուրդը դեմ չի, որևիցե նախարար իր գործը կատարել ա լիարժեք, արդյունավետ, մարդիկ դա տեսնում են, իրենց առօրյայի վրա զգում են, կարան նաև տասնապատիկ ավել տան աշխատավարձ, բայց «թաքուն»-ը վիրավորական ա և´ մեզ՝ պատգամավորներիս, և´ ժողովրդի համար»,- ասաց Ծառուկյանը:

Լրագրողի հարցին՝ դատապարտո՞ւմ եք նման գործելաոճը, Ծառուկյանը այն համարեց «վիրավորական»` ասելով, որ դատապարտում է հենց «թաքուն» բառի համար:

Տեսանյութը Shantnews.am-ի: