Հայաստանում ակտիվորեն զարգանում է ՏՏ ոլորտը, միջազգային գլոբալ կազմակերպությունները Հայաստանում ինժեներական գրասենյակներ, ներկայացուցչություններ են բացում, հայկական ստարտափների արմատները կարելի է գտնել ողջ աշխարհում և տարբեր ոլորտներում: Թեմայի շուրջ «Առաջին լրատվական»-ը զրուցել է  «Դիջիթեյն» ընկերության շուկայի ուսումնասիրության և հանրային կապերի համակարգող Մարիամ Փաշինյանի հետ: 

Նրա խոսքով՝ հայերը շատ ոլորտներում են տաղանդավոր, օրինակ գինեգործության, հագուստի արտադրության և այլն, և ՏՏ ոլորտը բացառություն չէ: «Դեռևս խորհրդային տարիներից Հայաստանը եղել է ծրագրային ապահովման, տեխնոլոգիաների կենտրոն, ճիշտ է, 90-ականերին ոլորտն անկում ապրեց տնտեսական պատճառներով, բայց հետո, երբ 2002-ին հիմնադրվեց «Ձեռնարկությունների ինկուբատոր» հիմնադրամը, այդ օրվանից ի վեր ՏՏ ոլորտը Հայաստանում միայն աճ է գրանցում»:

Մարիամ Փաշինյանը չբացառեց, որ հետագայում հնարավոր է զբաղվի քաղաքականությամբ: «Տխուր է, որ մինչև հիմա Հայաստանը չի ունեցել կին ղեկավար՝ վարչապետ կամ նախագահ, չի ունեցել կին ԱԺ նախագահ: Կարծում եմ՝ կանայք պետք է ակտիվանան, հատկապես որ հիմա նոր իշխանությունները սատարում են կանանց դերը թե՛ ներքին, թե՛ արտաքին քաղաքականության մեջ: Վստահ եմ, որ երբ կանայք զբաղեցնեն ավելի բարձր դիրքեր, որոշումներն ավելի զգույշ կկայացվեն»:

Մանրամասները սկզբնաղբյուր կայքում